SINOM

SINOM 

Laras Pelog Pathet Nem

ꦤꦸꦭꦣꦭꦏꦸꦲꦸꦠꦩ

ꦠꦸꦩꦿꦥꦺꦮꦺꦴꦁꦠꦤꦲ꧀ꦗꦮꦶ

ꦮꦺꦴꦁꦲꦒꦸꦁꦲꦶꦁꦔꦺꦏ꧀ꦱꦶꦒꦤ꧀ꦢ

ꦦꦟꦼꦩꦨꦲꦤ꧀ꦯꦺꦟꦺꦴꦦꦡꦶ

ꦏꦥꦠꦶꦲꦩꦂꦱꦸꦢꦶ

ꦱꦸꦢꦤꦺꦲꦮꦭꦤ꧀ꦤꦼꦥ꧀ꦱꦸ

ꦥꦶꦤꦼꦥ꧀ꦱꦸꦠꦥꦧꦿꦠ

ꦠꦤꦥꦶꦲꦶꦁꦱꦶꦪꦁꦫꦠꦿꦶ

ꦲꦩꦼꦩꦔꦸꦤ꧈ꦏꦂꦪꦺꦤꦏ꧀ꦠꦾꦱꦶꦁꦱꦼꦱꦩ

Nuladha  laku   utama,

Tumrape wong tanah Jawi,

Wong Agung ing Ngeksi ganda ,

Panembahan Senapati ,

Kapati amarsudi,

Sudane hawa lan nepsu ,

Pinesu tapa brata ,

Tanapi ing siyang ratri ,

Amemangun karyenak tyasing sasama .

(Cakepan Serat Wedhatama, Kaanggit Dening : Sri Mangkunagara IV)

 

Tembung wigati:

a. Nuladha = nyontoa, nirua

b. Laku utama = laku becik, tumindak becik

c. Ngeksiganda = Mataram

d. Kapati = banget

e. Amarsudi = ngudi

f. Pinesu = diudi banget

g. Tanapi = uga

h. Ratri = bengi

Isi tembang :

Niru/nyonto tumindak utama/becik

Kanggo wong tanah jawa

Ratu ing Mataram

Panembahan Senopati

Tumemen nanggone ngudi/ngupaya

Kanthi tapa brata/prihatin

Ing awan bengi

Supaya ndadekake tentreming ati

Pesan moral tembang :

– Niru/nyoto tumindak becik/utama

– Nyuda/nahan hawa nepsu

Struktur  tembang sinom:

a. Guru gatra: 9

b. Guru wilangan lan guru lagu gatra:

1. 8a

2. 81

3. 8a

4. 8i

5. 8u

6. 7a

7. 8i

8. 8i

9. 12a

Wangsulana pitakonan-pitakonan ing ngisor iki!

a. Sapa sing kudu ditulad manut tembang kasebut?

b. Ngeksiganda iku ngendi?

c. Apa sing diudi Panembahan Senapati

d. Apa tegese amemangun karyenak tyasing sasama?