Geguritan

PALAGAN MADIUN                 Dening: Dedek Wiranto

Ngrungkebi bumi pusaka

Sayek saeka Kapti

Manunggal dadi siji

Ndhepani palagan

Nggayuh kamardikan

Putra Madiun

Ing jaman perang Pangeran Diponegoro

Yaiku Raden Mas Basah Sentot Prawiradirjo madeg dadi salah sawijining Senopati

Ndampingi kridhaning Pangeran Diponegoro

Ngadhepi kompeni

Ing palagan Puroboyo kang banjur sinebut Madiun

Para satriyaning negara pada cancut ing ngayuda

Akeh kang gugur dadi Kusumaningrum bangsa

Lelabuhan kanti pangorbanan nyawa

Kanggo kamardikan bangsa lan negara Indonesia.

Madiun dadi palagan yudhaning bangsa

Ayo aja nganti ilang

Tansah njaga karukunan ngudi katentreman

Urip rukun bebarengan mbangun kuncaraning bangsa lan Nagara

Madiun tetep Santosa ing gati

Palagan mbangun negari

Ngisi Kamardikan

Ngrungkebi bumi Pertiwi.

(Kediri,310718)